ویب ڈیسک: پاک زمبابوے ون ڈے سیریز کا کل سے آغاز ہو گا، شیڈول کے مطابق پاکستان اور زمبابوے کل پہلے ون ڈے میچ میں مدمقابل ہونگے، دونوں ٹیموں کے مابین پہلا ٹاکرا کل بلاوائیو میں ہوگا۔
پہلے ایک روزہ میچ کیلئے پاکستان کرکٹ ٹیم کی تیاریاں بھر پور انداز میں جاری ہیں، شاہینوں نے بلاوائیو میں تین گھنٹے کا طویل ٹریننگ سیشن میں حصہ لیا۔
پاکستان کرکٹ ٹیم نے آج بھی بھرپور پریکٹس سیشن میں حصہ لیا، تاکہ کھلاڑی فٹ رہیں اور کامیابی کا سفر ایک بار پھر سے شروع کیا جا سکے، شیڈول کےمطابق پاکستان اور زمبابوے کل پہلے ون ڈے میچ میں مدمقابل ہوں گے۔
پہلا ون ڈے میچ کل پاکستانی وقت کے مطابق دوپہر ساڑھے 12 بجے شروع ہو گا۔ ون ڈے مقابلوں کے بعد دونوں ٹیموں کے مابین تین ٹی 20 میچوں کی سیریز بھی کھیلی جائے گی جس کا آغاز یکم دسمبر سے ہو گا۔