ویب ڈیسک: گلگت کی انسداد دہشت گردی عدالت نے سابق وزیراعلی گلگت بلتستان خالد خورشید کو سکیورٹی اداروں کو دھمکی دینے کے الزام میں 34سال قید کی سزا سنادی۔
تفصیلات کے مطابق گلگت کی انسداد دہشت گردی عدالت میں سابق وزیر اعلیٰ گلگت بلتستان کے خلاف سنگین نتائج کی دھمکیاں دینے کے کیس کی سماعت ہوئی۔
عدالت نے جرم ثابت ہونے پر سابق وزیر اعلیٰ کو 34 سال قیدکی سزا سنائی جبکہ خالد خورشید پر 6 لاکھ روپے جرمانہ بھی عائد کردیاگیا۔
عدالت نے آئی جی پولیس کو حکم دیا کہ مجرم کو گرفتار کرکے جیل منتقل کیا جائے، اس کے علاوہ مجرم کا شناختی کارڈ بلاک کرنے کا بھی حکم دیا گیا۔
واضح رہے کہ سابق وزیراعلیٰ پر 26مئی 2024کو جلسے میں سکیورٹی اداروں کو سنگین نتائج کی دھمکی دینے کا الزام تھا۔
خالد خورشید پر چیف سیکرٹری اور چیف الیکشن کمشنر جی بی کوبھی سنگین نتائج کی دھمکیاں دینے کا الزام تھا۔
ان کے خلاف انسداد دہشت گردی ایکٹ کے تحت سٹی تھانہ گلگت میں مقدمہ درج کیا گیا تھا۔